कालिञ्चोक ६ की कक्षा ८ मा अध्ययनरत वालिका दुई दिनदेखि बेपत्ता
चरिकोट । दोलखाको कालिञ्चोक गाउँपालिकाकी एक वालिका दुई दिनदेखि बेपत्ता भएकी छन् । कालिञ्चोक गाउँपालिका वडा नम्बर ६ जनज्योति माध्यमिक विद्यालय कक्षा ८ मा अध्ययनरत छात्रा १३ वर्षिया करिना थामी शुक्रवारदेखि बेपत्ता भएकी हुन् ।
लेप्टुङ काफलबोटे स्थित घरमा विद्यालयबाट फर्केर विद्यालय पोशाक परिवर्तन गरेपछि घरबाट निस्किएकी उनी अझै घर नफर्किएको परिवारजनले बताएका छन् । उनी साउन ५ गते शुक्रवार रातो ज्याकेट कुर्था सुरुवाल लगाई घरबाट हिडेकी थिईन् ।
तर अझै सम्पर्कमा नआएको वालिकाकी दिदी कमला थामीले बताईन् । वालिका दुई दिनदेखि बेपत्ता भएपछि उनको परिवारले खोजीका लागि आग्रह गरेको छ ।
प्रकाशित मिति: शनिबार, साउन ६, २०८० २१:२६
प्रतिक्रिया दिनुहोस्
साताको लोकप्रीय
