चरिकोट । दोलखा सदरमुकाम चरिकोट स्थित होटलमा एक युवक मृत अवस्थामा फेला परेका छन् । चरिकोट सातदोवाटो नजिकैको एक होटलमा सोलुखुम्बु जिल्ला दुधकुण्ड नगरपालिका ४ चिनखुका २५ वर्षिय ईङ्मा भनिने तेम्वा लामा शेर्पा कोठाभित्र मृत फेला परेका हुन् ।

उनी बसेको काठाको बाथरुममा झुण्डिएको अवस्थामा फेला परेका हुन् । लामो समयसम्म कोठाबाट बाहिर ननिस्किएपछि आज कोठा खोलेर हेर्दा उनी मृत अवस्थामा फेला परेको प्रहरीले जनाएको छ । उनी सोलुदेखि एक्लै चरिकोट घुम्न आएको बताईएको छ । 

जिल्ला प्रहरी कार्यालय दोलखाका सूचना अधिकारी धर्मेश कुमार यादवले घट्नाबारे मृतकको आफन्तलाई जानकारी गराईसकिएको र मृत्युको कारण खुल्न नसकेको बताए । मृतकको आफन्त सम्पर्कमा आएपछि घट्नाबारे थप अनुसन्धान कार्य अघि बढाईने प्रहरीले जनाएको छ ।