कोशी प्रदेश सरकार बिरुद्धको मुद्धा सर्वोच्चमा
काठमाडौँ । कोशी प्रदेशमा बनेको नयाँ सरकार बिरुद्धको मुद्धा सर्वोच्च अदालत पुगेको छ । सरकार गठनको प्रक्रिया असंवैधानिक भएको भन्दै एमाले सर्वोच्च अदालतमा पुगेको हो । सभामुखको समेत हस्ताक्षर जोडेर सरकारलाई आवश्यक पर्ने बहुमत देखाएर सरकार बनेपछि सरकार बिरुद्धको मुद्धा अदालत पुगेको छ ।
कोशी प्रदेशका एमाले संसदीय दलका प्रमुख सचेतक रेवतीरमण भण्डारीका अनुसार सर्वोच्च अदालतमा निवेदन दर्ता भएको छ । एमालेले निवेदनमा संविधानको धारा १६८ (२) बाट निर्मित सरकार असंवैधानिक भएकाले उत्प्रेषणको आदेशद्वारा बदर गरी धारा १६८ (३) अनुसार नयाँ सरकारको बाटो खोल्न परमादेश जारी गर्न माग गरेको छ ।
प्रकाशित मिति: शुक्रबार, असार २२, २०८० १४:४८
प्रतिक्रिया दिनुहोस्
साताको लोकप्रीय
