दोलखामा भएको छुट्टाछुट्टै घट्नामा एक वालकको मृत्यु, एकजना बेपत्ता
चरिकोट । दोलखामा छुट्टाछुट्टै घट्नामा एकजनाको मृत्यु भएको छ भने एकजना बेपत्ता भएका छन् ।तामाकोशी नदीमा नुहाउने क्रममा भीमेश्वर नगरपालिका वडा नम्बर १ का ३६ वर्षीय नारायण थामी बेपत्ता भएका छन् ।
नदीमा नुहाउने क्रममा आइतबार बेपत्ता उनी अझै फेला परेका छैनन् । उनको खोजी कार्य भैरहेको प्रहरीले जनाएको छ ।
यता जिल्लाको जिरी नगरपालिकाको कोट भन्ने स्थानमा आगनबाट लडेर एक बालकको मृत्यु भएको छ । मृत्यु हुनेमा जिरी नगरपालिका वडा नम्बर ६ निवासी रामबहादुर खड्काका ६ वर्षीय छोरा कविर खड्का रहेका छन् ।
आफ्नै घरको आगनमा खेल्ने क्रममा डिलबाट खसेर गम्भीर घाईते भएका उनको उपचारका क्रममा मृत्यु भएको हो । उनको जिरी अस्पतालमा उपचारका क्रममा मृत्यु भएको इलाका प्रहरी कार्यालय जिरीले जनाएको छ ।
प्रकाशित मिति: सोमबार, जेठ ८, २०८० ११:३३
प्रतिक्रिया दिनुहोस्
साताको लोकप्रीय
