दोलखा – दोलखामा भोली देखि सुरु हुने खृुल्ला अन्तराष्ट्रिय बुद्धिचाल प्रतियोगिताको सम्पुर्ण तयारी पुरा भएको छ । चेस होम दोलखाको अयोजनामा भोली देखि मंगलबार सम्म हुने खृुल्ला अन्तराष्ट्रिय बुद्धिचाल प्रतियोगिताको सम्पुर्ण तयारी पुरा भएको हो । दोलखाको सदरमुकाम चरिकोटमा हुने प्रतियोगिताका लागि नेपाल च्याम्पियन भइसकेका १० जना खेलाडिहरु र विभिन्न देशका खेलाडिहरु गरी जम्मा २०० जना खेलाडिहरु दोलखा आइसकेको चेस होम दोलखाका अध्यक्ष गोविन्दमान श्रेष्ठले जानकारी दिनुभयो । उहाँका अनुसार स्वच्छ छविका आदर्श पुरुष नेपाली कांग्रेसका स्वर्गीय नेता भिमबहादुर तामाङको स्मृतिमा प्रतियोगिताको आयोजना गरिएको हो ।
प्रतियोगितामा प्रथम हुनेलाई नगद १ लाख,द्धितिय हुनेलाई नगद ६० हजार र तृतिय हुनेलाई नगद ४० हजार रुपैया सहित ट्रफि तथा मेडल वितरण गरिने अध्यक्ष श्रेष्ठले बताउनुभयो । त्यसैगरी सान्त्वना देखि तेहैं स्थान प्राप्त गर्नेहरुलाई नगद तथा मेडल वितरण गरिने र उत्कृष्ट भेट्रान,उत्कृष्ट महिला खेलाडिहरु र समुह अनुसारका उत्कृष्ट खेलाडिहरुलाई नगद पुरस्कार वितरण गरिने आयोजकले जनाएको छ ।
