चरिकोट । दोलखाको मेलुङ गाउँपालिकामा एक युवकले दिदीको हत्या गरेका छन् । मेलुङ गाउँपालिका वडा नम्बर १ पवटी स्थित पिपलबोट बस्ने लाल बहादुर श्रेष्ठकी ३२ वर्षिय श्रीमती कल्पना भुजेलको हत्या भएको हो ।
उनलाई आफ्नैै भाई २३ वर्षिय रामभरत भुजेलले आईतवार बेलुकी दाउराले टाउकोमा प्रहार गरी हत्या गरेको दोलखा प्रहरीले जनाएको छ । प्रहरीका अनुसार रामभरत बोली नआउने र कानपनि नसुन्ने थिए । घट्नापछि उनलाई प्रहरीले नियन्त्रणमा लिएको छ । मृतकको शव प्रारम्भिक अनुसन्धान र पोष्टमार्टमपछि आफन्तले बुझी लगेको प्रहरीले जनाएको छ ।
यसैबीच दोलखाको विगु गाउँपालिकामा विष सेवनबाट एक जनाको मृत्यु भएको छ । विगु गाउँपालिका वडा नम्बर ६ आलम्पुका ७३ वर्षिय नरबहादुर थामीको जंगलबाट ल्याएको वन तरुल जस्तो देखिने फल खाँदा मृत्यु भएको हो । वन तरुल जस्तो देखिने बस्तु खाएपछि अत्याधिक बान्ता गरिरहेका उनलाई उपचारका लागि धुलिखेल अस्पताल ल्याउने क्रममा विच बाटोमै मृत्यु भएको हो ।
