सोलुको खम्बु आईफलमा हिमपहिरोमा परी ३ शेर्पा आरोहीको मृत्यु
सोलुखुम्बु । सगरमाथा आरोहणका क्रममा हिमपहिरोमा परी ३ जना शेर्पा आरोहीको मृत्यु भएको छ । सगरमाथाको ५ हजार ७ सय मिटरको उचाइमा हिमपहिरोमा परी मृत्यु हुनेहरूमा तेन्जिङ शेर्पा, लाक्पा रिता शेर्पा र बादुरे शेर्पा रहेका छन् ।
इम्याजिन ट्रेक प्रा.लि.बाट सगरमाथा आरोहणमा गाइडको भूमिकामा रहेका बुधबार बिहान मृत्यु भएको हो । मृत्यु हुनेहरु खुम्बु पासाङ ल्हामु गाउँपालिका–५ का हुन् ।
प्रहरीका अनुसार बिहान एक्कासी आएको पहिरोका कारण मृतकको शव खोंचमा पुरिएको र शव निकाल्न हेलिकोप्टर पठाउने तयारी भइरहेको छ ।
शव निकाल्न एसपीसीसीको टोली घटनास्थलमा गए पनि शवहरु खोंचमा भएका कारण उद्धार प्रयास असफल भएको छ । वसन्त ऋतुको आरोहण सिजनको सुरुवातमै सगरमाथामा मानवीय क्षति भएको हो ।
प्रकाशित मिति: बुधबार, चैत २९, २०७९ १५:०६
प्रतिक्रिया दिनुहोस्
साताको लोकप्रीय
