सिन्धुली । सिन्धुलीमा कार दुर्घट्ना हुँदा चार जनाको मृत्यु भएको छ । बीपी राजमार्गको सिन्धुलीमाडी–खुर्कोट खण्डअन्तर्गत कमलामाई नगरपालिका ३ को सोलाभन्ज्याङ नजिक बुधबार बिहान दुर्घटना भएको हो । दुर्घटनामा परी ४ जना भारतीयको मृत्यु भएको छ । 

पूर्वबाट काठमाडौं जाँदै गरेको बी आर डीडी ०६८७ भारतीय नम्बरको कार सडकबाट करिब पाँच सय मिटर तल खसेर दुर्घटना भएको जिल्ला प्रहरी कार्यालय सिन्धुलीले जनाएको छ । घटनास्थलमा तीन जना र सिन्धुली अस्पतालमा एक गरी चार जनाको मृत्यु भएको हो । कारमा पाँच जना सवार थिए ।

घाइते एक जनाको सिन्धुली अस्पतालमा उपचार भइरहेको छ । प्रहरीका अनुसार मृतक र घाइते भारतीयको पहिचान गर्ने र मृतकको शव निकाल्ने काम भइरहेको छ ।