चरिकोट । दोलखाको कालिञ्चोकमा मानव कंकाल फेला परेको छ । कालिञ्चोक गाउँपालिका वडा नम्बर १ मा पर्ने भैसे पात्लेखोला भन्ने स्थानमा मानव कंकाल फेला परेको हो । कंकालसँगै ती व्यक्तिले लगाएको गम्बुट भेटिएको छ ।

कंकाल भेटिएको स्थानमा पुगेका स्थानीयका अनुसार घट्नास्थलमा झोलाभित्र सिन्धुपाल्चोकको जुगल गाउँपालिका–५, चनौट स्थित रत्नराज्य माध्यामिक विद्यालयको लोगो रहेको लेखिएको टिसर्ट फेला परेको छ । मानव शरीरको अस्थिपञ्जर भेटिएपछि स्थानीयले प्रहरीलाई खबर गरेका थिए ।

उक्त कंकाल पोष्टमार्टमका लागि सदरमुकाम चरिकोट पठाईएको कालिञ्चोक गाउँपालिका वडा नम्बर १ का अध्यक्ष पदमबहादुर थामीले जानकारी दिए । कंकाल मात्रै भेटिएकाले शवको पहिचान हुन सकेको छैन ।