चरिकोट । दोलखामा ट्रकले मोटरसाईकललाई ठक्कर दिँदा एक जनाको मृत्यु भएको छ । जिल्लाको भीमेश्वर नगरपालिका वडा नम्बर ६, चोथाङमा आज विहान भएको दुर्घट्नामा मोटरसाईकल चालकको मृत्यु भएको हो ।
प्रहरीका अनुार काठमाडौंतर्फ जाँदै गरेको बा ४ ख ९७५ नम्बरको ट्रकले अर्को दिशाबाट आउँदै गरेको बा ९४ प ३२५५ नम्बरको मोटरसाइकललाई भिमेश्वर नगरपालिका ६, चोथाङ स्थित दुधडेरी नजिकै ठक्कर दिएको हो । दुर्घट्नामा मृत्यु हुनेमा काभ्रेपलाञ्चोकको महाभारत गाउँपालिकाका २० वर्षीय राजु मगर रहेका छन् ।
उनी अहिले भीमेश्वर नगरपालिका ६ स्थित चोथाङमा बस्दै आएका थिए । दुर्घटनामा परि गम्भीर घाइते भएका मगरको च्छोरोल्पा अस्पतालमा उपचारका क्रममा मृत्यु भएको प्रहरीले जनाएको छ ।
दुर्घघट्नामा अर्का एक जना घाईते भएका छन् । मोटरसाईकलमा रहेका धनुषाका अभिशेष शाह घाईते भएको र उनको च्छोरोल्पा अस्पतालमा उपचार भैरहेको प्रहरीले जनाएको छ ।
मोटरसाइकललाई ठक्कर दिने ट्रकका चालक फरार रहेका छन् । उनको खोजी भइरहेको प्रहरीले जनाएको छ ।
