प्रताप स्मृति कलेजको स्ववियु निर्वाचनमा गठबन्धनको प्यानल बिजयी
चरिकोट । दोलखाको सिंगटी स्थित प्रताप स्मृति कलेजको स्ववियु सभापतिमा अखिल क्रान्तिकारीका रुपेश अर्याल बिजयी भएका छन् ।
उनले अनेरास्ववियुका बालकृष्ण ओलीलाई पराजित गरेका हुन । अर्यालले ६३ मत प्राप्त गर्दा ओलीले ३२ मत पाएका छन् । स्ववियु निर्वाचनमा नेकपा माओवादी केन्द्र निकट विद्यार्थी संगठन अखिल क्रान्तिकारी, नेपाली कांग्रेस निकट नेविसंघ र नेकपा एकिकृतबाट अर्याल निर्वाचित भएका हुन् ।
सचिवमा गठबन्धको तर्फबाट नेविसंघका उम्मेदवार गुप्तराज मैनाली, कोषाध्यक्षमा गठबन्धनका अखिल क्रान्तिकारीकी लक्ष्मी ओली निर्वाचित भएकी छिन् । उनले ६८ मत प्राप्त गरेकी छिन् । यस्तै सदस्यमा गठबन्धनको तर्फबाट हितबहादुर तमाङ, राजन नेपाली र सृष्टि पाण्डे निर्वाचित भएका छन् ।
प्रकाशित मिति: आइतबार, चैत ५, २०७९ १७:०९
प्रतिक्रिया दिनुहोस्
साताको लोकप्रीय
