चरिकोट । नेपाल शिक्षक संघको जिल्ला अधिवेशनले नयाँ कार्यसमिति चयन गरेको छ । संघको नवौं जिल्ला अधिवेशनले अध्यक्षमा पुनः गोविन्द नारायण मानन्धरलाई चयन गरेको छ । मानन्धर यसअघि पनि अध्यक्षको जिम्मेवारीमा थिए । नयाँ नेतृत्व चयनमा सहमति गर्न ढिलाई भएपछि आईतवार मानन्धरकै नेतृत्वमा नयाँ कार्यसमिति घोषणा गरिएको हो ।

 अध्यक्ष पदमा अन्य धेरैले आकांक्षा राखेका थिए । मानन्धर नेतृत्वको नवनिर्वाचित कार्यसमितिको उपाध्यक्षमा उपाध्यक्षमा गीताकृष्ण शर्मा चयन भएका छन् । अन्य पदाधिकारी तथा सदस्यहरु पनि सर्वसम्मत रुपमा निर्वाचित भएको शिक्षक संघले जनाएको छ । सदरमुकाम चरिकोटमा भएको जिल्ला अधिवेशनको शनिवार संघका केन्द्रीय अध्यक्ष राजेन्द्रराज पाण्डेले उद्घाटन गरेका थिए ।