काठमाडौं । सिन्धुलीको फिक्कल गाउँपालिका वडा नम्बर ४ कुइभिरमा यात्रुबाहक बस दुर्घटना भएको छ । दुर्घट्नामा परी ६ जनाको घट्नास्थलमै मृत्यु भएको छ । ओखलढुंगाबाट काठमाडौं आउँदै गरेको बा २ ख ६५९६ नम्बरको बस आज बिहान ९ः१५ बजे दुर्घटना भएको प्रहरीले जनाएको छ ।
दुर्घटनामा ६ जनाको घट्नास्थलमै मृत्यु भएको जानकारी प्राप्त भएको र बिस्तृत बिवरण आउन बाँकी रहेको प्रहरीको भनाई छ । दुर्घटनाको बेला बसमा २९ जना यात्रु सवार रहेको बताईएको छ । अन्य यात्रु घाईते भएका छन् । उनीहरूलाई उद्धार गरी उपचारका लागि खुर्कोटको अस्पतालमा पठाइएको प्रहरीले जनाएको छ ।
घाइतेमध्ये पाँच जनाको अवस्था गम्भीर भएकाले हेलिकोप्टरमार्फत काठमाडौं पठाईएको सिन्धुली प्रहरी प्रमुख एसपी राजकुमार सिलवाले जानकारी दिए । दुर्घटनाका घाइतेहरुलाई उद्धार गरी खुर्कोट अस्पतालमा उपचारका लागि पठाइएको छ । बसमा करिब ३४ जना यात्रु रहेको जनाइएको छ ।
सिन्धुली प्रहरीका अनुसार सडकको भित्तामा ठोक्किएर बस दुर्घटना भएको प्रारम्भिक अनुमान छ । चालक फरार रहेको प्रहरीले जनाएको छ । दुर्घटनाको थप विवरण भने आउन बाँकी छ ।
