चरिकोट - दोलखाको कालिञ्चोक गाउँपालिका–९ मा ट्रिपर दुर्घट्ना हुँदा एक चालकको मृत्यु भएको छ । मृत्यु हुनेमा भिमेश्वर नगरपालिका वडा नम्बर १, सुस्पाक्षमावतीका २९ वर्षिय अशोक कुमार थामी रहेका छन् ।
दुर्घट्नामा गम्भिर घाईते भएका उनलाई थप उपचारका लागि काठमाण्डौं लैजाँदै गर्दा मृत्यु भएको जिल्ला प्रहरी कार्यालय दोलखाका प्रहरी निरीक्षक रेशम वोहराले जानकारी दिए । सदरमुकाम चरिकोट स्थित चरिकोट अस्पतालमा प्राथमिक उपचारपछि थप उपचारका लागि काभ्रे स्थित धुलिखेल अस्पताल पर्याईएको थियो ।
तर अस्पताल पुर्याएलगत्तै चिकित्सकहरुले घाईतेको मृत्यु भैसकेको जानकारी दिएका थिए । सिंगटीबाट चरिकोट तर्फ आउँदै गरेको वा ४ ख ४७४४ नम्बरको ट्रिपर कालिञ्चोक गाउँपालिका वडा नम्बर ९ स्थित सुन्द्रावती खोलामा मंगलवार राती ११ बजे दुर्घट्ना भएको हो ।
टिपर अनियन्त्रित भई सडकबाट एक सय मिटर तल खसेको प्रहरीले जनाएको छ । ट्रिपर दोलखा उद्योग वाणिज्य संघका महासचिव हेमराज रिमालको रहेको बताईएको छ ।
