सिन्धुली । सिन्धुलीमा मोटरसाईकल दुर्घट्ना हुँदा दुई जना रहेका छन् । मदन भण्डारी लोकमार्ग अन्र्तगत सिन्धुलीको मरिण गाउँपालिकामा भएको मोटरसाइकल दुर्घटनामा परी दाजुभाईको मृत्यु भएको हो । मृत्यु हुनेमा मरिण गाउँपालिका वडा नम्बर ४ का ३३ वर्षीय जितेन्द्र माझी र मेषबहादुर माझीको मृत्यु भएको प्रहरीले जनाएको छ ।
सदरमुकाम सिन्धुलीमाडीतर्फ जाँदै गरेको बा ५८ प ९०९८ नम्बरको मोटरसाइकल वडा नम्बर ७ महेश्वता क्याम्पस चोक नजिक लोकमार्गमा भएको दुर्घटनामा भएको हो । लोकमार्गको बायाँ किनारमा रोकिरहेको ट्याक्टरमा ठोक्किएर मोटरसाईकल दुर्घटना भएको प्रहरीले जनाएको छ ।
प्रहरीका अनुुसार दुर्घटनामा गम्भिर घाइते भएका माझी दाजुभाइको प्राथमिक स्वास्थ्य केन्द्र कपिलाकोटमा उपचारका क्रममा मृत्यु भएको हो । जिल्ला प्रहरी कार्यालयका प्रहरी निरीक्षक किशोर ढुंगानाले रातको समयमा तीव्र गतिमा रहेको मोटरसाइकलले पार्किङमा राखेको ट्याक्टर नदेख्दा दुर्घटना भएको हुन सक्ने आशंका गरिएको बताए ।
