चरिकोट । दोलखाको कालिञ्चोक गाउँपालिकामा एक पुरुष मृत अवस्थामा फेला परेका छन् । कालिञ्चोक गाउँपालिका वडा नम्बर ६ स्थित पाटागाउँ निवासी सुब्बा भनिने लिला बहादुर सुनुवार मृत भेटिएका हुन् ।

उनको शव घर नजिकैको जंगलमा भेटिएको स्थानीयले जानकारी दिएका छन् । उनको मृत्यु भिरबाट लडेर भएको हो वा अन्य कारणले भएको भन्ने भन्ने बारे खुल्न नसकेको र अनुसन्धान भैरहेको प्रहरीले जनाएको छ । शवको सदरमुकाम चरिकोट स्थित पशुपति चौलागाई स्मृति अस्पतालमा पोष्टमार्टम हुँदैछ ।