काठमाडौँ । नेकपा एमालेले पार्टीको संगठन सुदृढीकरणका लागि नयाँ अभियान संचालन गर्ने भएको छ । बिहीबार बसेको केन्द्रीय सचिवालय बैठकले ‘मिसन ग्रासरुट’ अभियान सञ्चालन गर्ने निर्णय गरेको हो । उक्त अभियान फागुन र चैत महिनामा सञ्चालन हुने नेताहरुले बताएका छन् ।

पार्टीको संगठनमा नयाँ ऊर्जा थप गर्न फागुन र चैत महिनामा पार्टीको संगठनमा ऊर्जा थप गर्नका लागि मिसन ग्रासरुट अभियान सञ्चालन गर्ने निर्णय भएको उपमहासचिव प्रदीप ज्ञवालीले जानकारी दिए । एमालेले पार्टीका केन्द्रीय सदस्य र सांसदहरूलाई गाउँमा केन्द्रीत भएर संगठन गर्न निर्देशनसहित ११ वटा कार्यादेश तोकेर जिम्मेवारी समेत दिएको छ । 

अभियानको फागुन ५ गते सात वटै प्रदेशमा अभियानमा खटिने नेताहरूलाई अभिमुखीकरण गरेर थालनी गरिनेछ । पार्टीको संगठन सुदृढीकरणको दुई महिने अभियानपछि पार्टी नयाँ ढंगले अघि बढ्ने एमाले नेताहरुको विस्वास छ ।