सोलुखुम्बु । सोलुखुम्बुको माप्यदुधकोसी गाउँपालिकामा मोटरसाइकल दुर्घटनमा परी एक युवकको मृत्यु भएको छ । मृत्यु हुनेमा माप्यदुधकोसी गाउँपालिका ४ का २१ वर्षीय हेम कुमार राई रहेका छन् । जिल्ला प्रहरी कार्यालय सोलुखुम्बुका अनुसार काँकुबाट बासातर्फ जाँदै गरेको बा ४४ प २६१९ नम्बरको पल्सर मोटरसाइकल रमिते डाँडामा अनियन्त्रित भई दुर्घटना भएको हो ।

प्रहरी निरीक्षक राम किशोर शाहले मध्याह्न साढे १२ बजे भएको माप्यदुधकोसी ४ को उक्त दुर्घटनामा सख्त घाइते भएका राईको प्राथमिक अस्पताल खास्तावमा उपचारको क्रममा मृत्यु भएको जानकारी दिए । 

उनको शरीरमा बाहिरी चोट भने नदेखिएको बताइएको छ । घटनाको विषयमा थप अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ ।