दोलखा – दोलखाको विगु गाउँपालिकामा ट्याक्टर दुर्घटना हुदाँ एक जनाको मृृत्यु भएको छ । जिल्लाको विगु गाउँपालिका वडा नम्बर ४ लादुकमा आज दिउँसो करिब १ बजे बजे सिंगटी लादुक सडकखण्ड अन्तर्गत चित्रेस्थित रमिते गोलाईमा ढुगाँ लोड गरेको ट्याक्टर दुर्घटना हुँदा २४ वर्षिय किसन सार्कीकोे मृत्यु भएको हो ।

दुर्घटनामा २५ वर्षिय जिवन नेपाली  २३ वर्षिय राम बहादुर नेपाली र १८ वर्षिय सुरज खत्री  घाइते हुनु भएको जिल्ला प्रहरी कार्यालय दोलखाले जनाएको छ । गम्भिर घाईते भएका सार्कीलाई थप उपचारका लागि सिँगटीबाट काठमाण्डौं पठाउने क्रममा बाटोमै मृत्यु भएपछि पोष्टमार्टमका लागि पशुपति चौलागाँई स्मृति अस्पतालमा राखिएको प्रहरी निरिक्षक राजेश सिग्देलले जानकारी दिनुभयो ।

घाईतेहरु जिवन नेपाली  र राम बहादुर नेपालीको दोलखा धुलिखेल अस्पताल र सुरज खत्रीको सिँगटीमा उपचार  भइरहेको छ । दुर्घटनाको बारेमा प्रहरीले थप अनुसन्धान गरीरहेको प्रहरीले जनाएको छ ।