काठमाडौं । काठमाडौं महानगरपालिका बिरुद्ध उपत्यकाको माईतीघरमा प्रदर्शन भएको छ । महानगरले डोजर आतंक चलाएको भन्दै विरोध प्रदर्शन सुरु भएको हो । बिरोध प्रदर्शनका लागि काठमाडौंका विभिन्न ठाउँका वासिन्दा माइतीघरमा भेला भएका थिए ।

महानगरपालिकाले व्यक्तिगत सम्पत्तिमा डोजर चलाएको उनीहरुको आरोप छ । डोजर आतंक बन्द गर, महानगरपालिकाको ज्यादती बन्द गर, सडक विस्तारका नाममा उठिबास लगाउन पाइँदैन जस्ता नारा लेखिएका प्लेकार्ड प्रदर्शनमा सहभागीहरुहरुले बोकेका थिए ।

प्रदर्शनमा उत्रिएका काठमाडौं महानगरपालिकाको मेयरमा स्वतन्त्र उम्मेदवारी दिएका सुमन सायमीले महानगरपालिकाका मेयर वालेन शाह पहिलेका शाषकभन्दा निरंकुस भएर निस्किएको आरोप लगाए ।