काठमाडौं - अमेरिकाको बहुचर्चित गायन रियालिटी शो अमेरिकन आइडलमा नेपाली युवा दिवेश पोखरेल टप ७ मा पुग्न सफल भएका छन् । अब एक खुड्कीला पार गरे उनी फाइनलसम्मको यात्रा तय गर्नेछन् ।
दिबेशले भोटिङका आधारमा प्रतिस्पर्धामा टप ७ मा स्थान सुरक्षित गरेका हुन् । उनले सोमवार आज दिएको प्रस्तुतिपछि फाइनलका लागि भोटिङ चलिरहेको छ । आजको एपिसोडमा उनले सामुयल इ राइटको ‘किस द गर्ल’ बोलको गीत मेलोडियस स्वरमा गाएका छन् । आजको प्रस्तुतिपछि भएको भोटिङका आधारमा टप ७ बाट पाँच जनालाई फाइनलमा लगिनेछ । फाइनल अर्को साता १७ मेमा हुनेछ ।
अमेरिकन आइडलमा एसएमएस गरेर, अमेरिकन आइडलको एप डाउनलोड गरेर र अमेरिकन आइडलको वेबसाइटमा गएर भोट गर्न सकिन्छ । अमेरिकामा बस्नेहरुले तीनवटै विधीबाट १०–१० पटक भोट गर्न सक्छन् । नेपाल र अन्य मुलुकबाट भोट गर्न चाहिँ भीपीएन डाउनलोड गर्नुपर्ने हुन्छ ।
काठमाडौं रवीभवनका दिवेश सन् २०१४ देखि अमेरिकामा बस्दै आएका छन् ।
