चरिकोट । दोलखाका प्रमुख जिल्ला अधिकारी भोजराज खतिवडा सरुवा भएका छन । गृह मन्त्रालयले उनलाई काज सरुवा गरेको हो । उनलाई जिल्ला प्रशासन कार्यलय सरुवा गरिएको मन्त्रालयले जनाएको छ ।
गृहमन्त्रीमा रवि लामिछाने आएपछी पहिलो पटक ७० जिल्लाका सिडिओहरुको एकैसाथ सरुवा गरिएको हो । मन्त्रालयका अनुसार दोलखामा उपसचिव शेखर पौड्याल नया प्रमुख जिल्ला अधिकारीको रुपमा आउदैछन ।
शुक्रबार गृह मन्त्रालयले विभिन्न जिल्लाका सिडिओ, सहायक सिडिओसहित ७० जनाको काज सरुवा गरेको हो ।
राजपत्रांकित प्रथम (सहसचिव) र द्वितीय श्रेणी (उपसचिव)समेतका प्रमुख जिल्ला अधिकारी, सहायक प्रमुख जिल्ला अधिकारी लगायतका कर्मचारीहरुको सरुवा गरिएको मन्त्रालयले जनाएको छ ।
गृह मन्त्रालयले प्रमुख जिल्ला अधिकारीको सरुवा सम्बन्धी कार्यविधि ल्याएको थियो । सोही अनुसार प्रमुख जिल्ला अधिकारी तथा कर्मचारीको सरुवा गरिएको छ ।
