वाग्मती प्रदेशसभाको उपसभामुखमा चापागाई निर्वाचित
हेटौंडा । बागमती प्रदेशसभाको उपसभामुखमा सत्तारुढ घटककी उम्मेदवार अप्सरा चापागाई निर्वाचित भएकी छन् । सोमबार प्रदेशसभा बैठकमा भएको निर्वाचनमा ६१ मत पाएर चापागाई निर्वाचित भएकी हुन् । ११० सदस्यीय प्रदेशसभामा उनलाई सभामुख निर्वाचित गरियोस् भन्ने प्रस्तावको विपक्षमा ३९ मत परेको छ ।
७ जना तटस्थ बसे भने २ जना सांसदहमरु मतदान प्रक्रियामा सहभागी भएनन् । उपसभामुखमा नेपाल मजदुर किसान पार्टीकी गीता काफ्लेले पनि उम्मेदवारी दिएपनि उनको पक्षमा ३ र विपक्षमा ६१ मत पर्यो । ४४ जना भने तटस्थ बसेका थिए ।
उपसभामुखमा ३ जनाको उम्मेदवारी परेको थियो । उम्मेदवारी प्रस्तावहरु क्रमैसँग प्रदेशसभामा प्रस्तुत गर्ने क्रममा एमालेकी चापागाई उपसभामुखमा निर्वाचित भएपछि नेपाली कांग्रेसकी उम्मेदवार सुना परियारलाई निर्वाचित गरियोस् भन्ने प्रस्तावमाथि छलफल नै भएन ।
प्रकाशित मिति: सोमबार, माघ २, २०७९ १८:१५
प्रतिक्रिया दिनुहोस्
साताको लोकप्रीय
