चरिकोट । दोलखा भ्रमणमा आएका एक जर्मन नागरिक मोटरसाइकल दुर्घटनामा परी घाइते भएका छन् । घाईते हुनेमा ४८ वर्षिय जर्मन नागरिक रोवट निमियर रहेका छन् । उनी जिल्लाको धार्मिक एवम् पयर्टकीय क्षेत्र कालिञ्चोक भ्रमणका लागि जाँदै गर्दा दुर्घट्नामा परेका हुन् ।

जिल्ला प्रहरी कार्यालय दोलखाका अनुसार प्रदेश १–०२–३६ प ०८४७ नम्बर मोटरसाइकलमा सवार रोवट आज दिउँसो सदरमुकाम चरिकोटबाट कालिञ्चोक जाने क्रममा देउराली भन्ने स्थानमा  दुर्घट्नामा परेका हुन् ।

दुर्घटनामा परी घाइते भएका उनलाई तत्काल अन्नपूर्ण एअरलाईन्सको हेलिकप्टर मार्फत उद्धार गरी काठमाण्डौं पठाईएको र काठमाडौंको ह्याम्स अस्पतालमा उपचार भइरहेको जिल्ला प्रहरी कार्यालय दोलखाका प्रहरी निरीक्षक राजेश सिग्देलले जानकारी दिए ।