अखिल क्रान्तिकारी दोलखाका कोषाध्यक्ष ओली एमाले प्रवेश
काठमाण्डौं – माओवादी केन्द्र निकट अनेरास्ववियु क्रान्तिकारी दोलखाका कोषाध्यक्ष वालकृष्ण ओली नेकपा एमाले प्रवेश गरेका छन् । नेकपा एमाले दोलखा काठमाण्डौं सम्पर्क मञ्चले दिपावली लगायत पर्वहरुको अबसरमा काठमाण्डौंमा सोमवार आयोजना गरेको कार्यक्रममा उनी एमाले प्रबेश गरेका हुन् ।
उनलाई एमाले पोलिट व्युरोसदस्य एवं पुर्वमन्त्रीद्धय आनन्द प्रसाद पोखरेल, पार्वत गुरुङ लगायतका नेताहरुले पार्टीमा स्वागत गरे । ओली विगत लामो समयदेखि अखिल क्रान्तिकारीमा सक्रिय थिए ।
एमाले प्रवेशपछि प्रतिक्रिया दिँदै उनले गठबन्धनको नाममा माओवादी पार्टी आफ्नो विचार सिद्धान्तबाट बिचलित भएकोले एमाले रोज्नुपरेको बताए ।
प्रकाशित मिति: सोमबार, कात्तिक ७, २०७९ १४:४५
प्रतिक्रिया दिनुहोस्
साताको लोकप्रीय
