मेलुङ गाउँपालिकामा फुटबल प्रतियोगिता सुरु
चरिकोट – दोलखाको मेलुङ गाँउपालिकामा वडा स्तरीय पुरुष फुटबल प्रतियोगिता आज बाट सुरु भएको छ । गोरखनाथ युवा क्लबको आयोजनामा सुरु भएको फुटबल प्रतियोगिता को गाँउपालिकाका अध्यक्ष हिरा कुमार थोकर एक समारोहकाबीच उद्घाटन गरे ।
नेपालीहरुको दोस्रो ठुलो चाड दिपावली तथा छठ् पर्वको अवसरमा वडा स्तरीय फुटबल प्रतियोगिता आयोजना गरिएको हो । दुई दिनसम्म चल्ने प्रतियोगिता स्थानीय मेलुङ गाँउपालिका वडा नम्बर ७ स्थित खेल मैदानमा संचालन हुनेछ ।
मेलुङ गाउँपालिका वडा नम्बर ७ का वडा अध्यक्ष नबराज खड्काका अनुसार प्रतियोगीतामा प्रथम हुनेलाई नगद १० हजार, दोस्रो हुनेलाई नगद ७ हजार,तेस्रो हुनेलाई नगद ५ हजार र सान्तवना हुनेलाई नगद १५ सय मेडल र प्रमाणपत्र वितरण गरिनेछ । कार्यक्रममा स्थानीय जनप्रतिनिधि, राजनीतिक दलका नेता लगायतले मन्तव्य व्यक्त गरेका थिए ।
प्रकाशित मिति: आइतबार, कात्तिक ६, २०७९ १८:४२
प्रतिक्रिया दिनुहोस्
साताको लोकप्रीय
