दोलखाको गौरीशंकरमा भिरबाट लडेर महिला बेपत्ता
चरिकोट - दोलखाको गौरीशंकरमा एक जना महिला लडेर बेपत्ता भएकी छन् । बेपत्ता हुनेमा गौरीशंकर गाउँपालिका वडा नम्बर ८ का ५० वर्षिय सानुमाथा थामी रहेकी छन् । स्थानीय डाँडाखर्क भन्ने स्थानमा मलामीलाई खाजा पुर्याई फर्किने क्रममा घरबाट करिव १ किलोमिटरको दुरीमा रहेको डाँडाघर भिरबाट लडेर बेपत्ता भएको प्रहरीले जनाएको छ ।
प्रहरीका अनुसार करिव १५० मिटर तल लडेर बेपत्ता भएकी हुन् । उनी हिजो नै बेपत्ता भएको र खोजी कार्य जारी रहेको जिल्ला प्रहरी कार्यालय दोलखाका प्रहरी निरीक्षक राजेश सिग्देलले जानकारी दिए ।
प्रकाशित मिति: शुक्रबार, कात्तिक ४, २०७९ १७:२८
प्रतिक्रिया दिनुहोस्
साताको लोकप्रीय
