बहराईनमा एकैदिन ७७ नेपाली कामदारमा कोरोना संक्रमण भेटियो
काठमाडौँ — बहराइनमा ७७ जना नेपालीमा एकैदिन कोरोना भाईरस संक्रमण पुष्टि भएको छ । चारवटा कम्पनीमा कार्यरत कामदारहरुमा कोरोना संक्रमण पुष्टि भएको बहराइनको राजधानी मनामास्थित नेपाली दूतावासले जनाएको छ ।
बहराईनका लागि नेपाली राजदुत पदम सुन्दासले एउटा सुपरमार्केट र ३ वटा अलग अलग कम्पनीमा काम गर्ने नेपालीलाई संक्रमण देखिएको पुष्टि गरे । उनका अनुसार उनीहरुको स्वास्थ्य उपचार भइरहेको छ ।
योसँगै बहराइनमा कोरोना भाइरसबाट संक्रमित हुने नेपालीको संख्या १२६ जना पुगेको छ । बहराइनमा संक्रमितको सख्या १५४६ जना रहेकोमा १२४६ जना निको भइसकेका छन । त्यहाँ हालसम्म कोरोना संक्रमणबाट ८ जनाको मृत्यु भइसकेको छ ।
सुन्दासका अनुसार जोखिमपंर्ण मानिएको क्याम्ममा रहेका कामदारलाई नयाँ क्याम्पमा सार्ने काम भइरहेको छ । बहराइनमा झन्डै ३५ हजार नेपाली कार्यरत छन् ।
प्रकाशित मिति: मंगलबार, वैशाख १६, २०७७ २२:३८
प्रतिक्रिया दिनुहोस्
थप समाचार
साताको लोकप्रीय
