दोलखा – दोलखाको कालिन्चोक गाउँपालिकामा मोटरसाइकल र बोलेरो एकआपसमा ठोकिदा दुर्घटना भएको छ । कालिन्चोक गाउँपालिका वडा नम्बर ३ सिंगटि बजारमा आज बोलेरो र मोटरसाइकल एक आपसमा ठोकिदा एक जना घाइते भएका हुन । 
घाइते हुनेमा मोटरसाइकल चालक कालिन्चोक गाउँपालिका वडा नम्बर ३ बस्ने ३२ बर्षिय मिनप्रसाद मैनाली रहेका छन । मैनालीको दाहिने खुटटामा चोट लागेको छ । हाल मैनालीको रोल्वालिङ साुमदायिक अस्पताल सिंगटिमा उपचार भैरहेको छ । चरिकोट देखि सिंगटि तर्फ जादै गरेको बा १३ च ८४६८ नम्बरको बोलेरो र बाग्मति प्रदेश ०२–००३३ प ४१५४ नम्बरको मोटरसाइकल एकआपसमा ठोकिदा दुर्घटना भएको इलाका प्रहरी कार्यालय सिंगटिका प्रहरी निरिक्षक सानु तामाङले जानकारी दिनुभयो ।  
हाल घटनाको अनुसन्धान भैरहेको इलाका प्रहरी कार्यालय सिंगटिले जनाएको छ ।