दोलखा –  धारीलो हतियार खुकुरी प्रहार गरी फरार रहेका दोलखाका २ जना प्रतिवादिहरु पक्राउ परेका छन । पक्राउ पर्नेमा दोलखाको शैलुङ गाउाँपलिका वडा नम्बर २ हाल काठमाण्डौको बौद्द बस्ने २९ बर्षिय बिनोद तामाङ र ३३ बर्षिय जिवन तामाङ रहेका छन ।
हिजो बिहान ५ः२० मा काठमाण्डौ महानगरपालिका वडा नम्बर २६ गल्कोपाखा स्थित हनुमान चोक नजिक मोटरसाईकलमा आएका ७÷८ जना अपरिचित ब्यक्तिहरुको समुहले कल्ब प्लाटिनममा बाउनसरको रुपमा कार्यरत रहेका निकेत राई र तेन्जिङ शेर्पालाई धारिलो हतियार खुकुरी प्रहार गरी घाईते बनाई फरार भएका थिए ।  
उक्त घटनाको सम्बन्धमा काठमाण्डौ उपत्यका अपराध अनुसन्धान कार्यालय मिनभवनबाट खटि गएको बिषेश टोलीले हिजो २ः३० को समयमा काठमाण्डौ बौद्द बाट उनिहरुलाई पक्राउ गरेको हो । उनिहरुलाई ज्यान मार्ने उधोग सम्बन्धी कसुरमा आवश्यक कार्वाहीका लागि प्रहरी बृत,लैनचौर काठमाण्डौ पठाईएको काठमाण्डौ उपत्यका अपराध अनुसन्धान कार्यालय मिनभवनले जनाएको छ ।