रामेछापमा बस दुर्घटना हुदा १३ जना घाइते
दोलखा – रामेछापको खाँडादेवी गाउँपालिका–३ सित्खा बजार नजिकैको चहरी खोलामा आज आइतवार बस दुर्घटना भएको छ । दुर्घटनामा १३ यात्रु घाइते भएका छन् ।
दोरम्बाबाट काठमाण्डौका लागि छुटेको बा ३ ख ४०४८ नम्बरको बस दुर्घटना भएको हो । तीव्र गतिका कारण बस दुर्घटनामा परेको प्रत्यक्षदर्शीले बताएका छन् । बस रिजर्भ गरेर ल्याइएको र सडकमा अनियन्त्रित भइ दुर्घटना भएको प्रहरी नायब उपरीक्षक राजकुमार थिङले जानकारी दिनुभयो ।
बसमा झन्डै ३० यात्रु थिए । घाइते सबैलाई प्रहरी र स्थानीयवासीले उद्धार गरी उपचारका लागि काभ्रेपलाञ्चोकको धुलिखेल अस्पताल लगिएको प्रहरीले जनाएको छ ।
प्रकाशित मिति: आइतबार, असोज २३, २०७९ १४:१८
प्रतिक्रिया दिनुहोस्
साताको लोकप्रीय
