चरिकोट - सिन्धुपाल्चोकको खोलामा बेपत्ता भएका दोलखाको कालिञ्चोक गाउँपालिका घर भएका एक शिक्षक घाईते अवस्थामा भेटिएका छन् । जिल्लाको हेलम्बु १ नाकोटे स्थित ठाडो खोलामा लडेर बेपत्ता भएका कालिञ्चोक गाउँपालिका वडा नम्बर ३ का ३७ वर्षिय केशव शिवाकोटी केही घाईते अवस्थामा फेला परेको ईलाका प्रहरी कार्यालय हेलम्बुले जानकारी दिएको छ ।

प्रहरी र स्थानीयको टोलीले अहिले उनको उद्धारको प्रयास गरिरहेको छ । प्रहरीका अनुसार लडेर अप्ठेरो खोँचमा फसेकाले शिवाकोटीको उद्धारमा केही कठिनाई भएको छ । अप्ठ्यारो खोँचमा फसेकाले उनको हेलिकोप्टरमार्फत उद्धार गर्ने तयारी भैरहेको छ । उनी स्थानीय सर्कथली आधारभुत विद्यालयमा अध्यापन गराउने शिक्षक हुन् । संगै अन्य ४ जना शिक्षकहरु ठाडो खोलामा नुहाएर फर्किने क्रममा शिवाकोटी चिप्लिएर खोलामा लडेका थिए ।