दोलखा बैतेश्वरका युवक मुग्लिन पुलबाट हामफालेर बेपत्ता
काठमाण्डौं - दोलखा घर भएका एक युवक चितवनको मुग्लिन पुलबाट हामफालेर बेपत्ता भएका छन् । मोटरसाईकल चढेर मुग्लिन पुगेका ती युवक मोटरसाईकल पुलमा छाडेर नदीमा हामफालेका हुन् । बागमती प्रदेश ०२–०३१ प ५२१४ नम्बरको मोटरसाइकलमा आएका युवाले झोला मोटरसाइकल माथि राखेर पुलबाट हाम फालेको प्रत्यक्षदर्शीले बताएका छन् ।
मोटरसाईकलमा उनको झोला र सुसाईट नोट भेटिएको प्रहरीले बताएको छ । मुग्लिन प्रहरीका अनुसार आज (शुक्रबार) साँझ ५ः३० बजेको समयमा घट्ना भएको हो ।
झोलामा भेटिएको सवारी चालक अनुमति-पत्रमा उल्लेख भए अनुसार दोलखा बैतेश्वर गाउँपालिका वडा नम्बर २ (साविक गैरीमुदी ९) का २७ वर्षिय निराजन घिमिरे नदीमा हामफालेर बेपत्ता भएका हुन् । घट्नाको विस्तृत बिवरण आउन बाँकी रहेको र बेपत्ताको खोजी कार्य भैरहेको प्रहरीले जनाएको छ ।
प्रकाशित मिति: शुक्रबार, भदौ ३१, २०७९ २०:२३
प्रतिक्रिया दिनुहोस्
साताको लोकप्रीय
