दोलखा – दोलखाको जिरी नगरपालिकामा एक पुरुष मृत फेला परेका छन । जिरी नगरपालिका वडा नम्बर ९ चिपचिपे नजिकै खोलाखर्क स्थित खोलामा जिरी नगरपालिका ८ होसिङगा खत्रीटोलका ४१ वर्षीय राजन कुमार खत्री आज मृत फेला परेको जिल्ला प्रहरी कार्यालय दोलखाका प्रहरी निरिक्षक राजेश सिक्देलले जानकारी दिनुभयो । 
उहाँका अनुसार खत्री भाद्र १६ गतेखि बेपत्ता भएका थिए । घरबाट बेपत्ता भएका खत्री लाई परिवारजन र प्रहरीले समेत खोजीकार्य जारी राखेको बेला आज दिउँसो गाईवस्तु चराउँदा स्थानीयले मृत भेटिएपछि प्रहरीलाई खबर गरेका थिए ।
हाल इलाका प्रहरी कार्यालय जिरीका प्रहरी निरिक्षक विष्णु बहादुर बस्नेतको टोली घटनास्थल पुगेर थप अनुसन्धान गरिरहेको जिल्ला प्रहरी कार्यालय दोलखाले जनाएको छ ।