चरिकोट – दोलखाको जिरी नगरपालिकामा एक दम्पति मृत अवस्थामा भेटिएका छन् । जिरी नगरपालिका वडा नम्बर ८ घर भएका अन्दाजी ५५/५६ वर्षका हर्क बहादुर जिरेल र उनका ५० वर्षिया श्रीमती कृष्णकुमारी जिरेल मृत फेला परेका हुन् । उनीहरुलाई फरक फरक स्थानमा मृत फेला पारिएको ईलाका प्रहरी कार्यालय जिरीले जनाएको छ । 

श्रीमतीको भीरबाट लडेको अवस्थामा र श्रीमान घरमा झुण्डिएको अवस्थामा फेला परेको स्थानीयले जानकारी दिएका छन् । स्थानियका अनुसार घट्ना हुनुभन्दा पहिलो शनिवार साँझ उनीहरुबीच बिवाद भएको थियो । त्यसलगत्तै श्रीमती घरबाट निस्केर भिरमा हामफाल्न गएको र श्रीमानले घरमा झुण्डिएर आत्माहत्या गरेको स्थानीयको आशंका छ ।

घट्नाको विस्तृत बिवरण आउन बाँकी रहेको र अनुसन्धान भैरहेको प्रहरीले जनाएको छ । घट्नास्थलमा पुगेको प्रहरीको टोलीले दुवै जनाको शवलाई पोष्टमार्टमका लागि जिरी अस्पताल ल्याउँदैछ ।