चरिकोट – दोलखा वैतेश्वर गाउँपालिका–७, नाम्दुका शान्त बहादुर उप्रेतीको सवारी दुर्घट्नामा परी मृत्यु भएको छ । केहीदिन अघि सवारी दुर्घट्नामा परी गम्भिर घाईते भएका उप्रेतीको उपचारका क्रममा आज विहान मृत्यु भएको हो ।

मोटरसाईकल दुर्घट्नामा परी उप्रेतीको टाउकोमा गम्भिर चोट लागेको थियो ।  राजधानी काठमाण्डौं स्थित सुमेरु अस्पतालमा उपचारका क्रममा उप्रेतीको आज विहान ३ बजे निधन भएको पारिवारिक स्रोतले जनाएको छ ।

उनी लामो समयदेखि राजनीति र समाजसेवामा सक्रिय थिए । २०४९ सालका नाम्दु गाविस अध्यक्ष उप्रेती नेकपा एमाले दोलखाको पुर्व जिल्ला कमिटी सदस्य थिए । पछिल्लो समय उनी बिभिन्न सामाजिक संघ संस्थामा क्रियाशील थिए ।