रामेछाप – रामेछापमा बस दुर्घटना हुदा १३ जनाको मृत्यु भएको छ । आज भएको दुर्घटनामा परी १३  जनाको मत्यु भएको छ भने २० जना घाईते भएका छन । जिल्लाको सुनापाति गाउँपालिका वडा नम्बर ५ लुभुघाटमा हिलेदेविबाट काठमाण्डौँ तर्फ जादै गरेको बा ३ ख ८३९६ नम्बरको बस लुभुघाटमा दुर्घटना भएको हो । 
घाइतेहरु मध्य ९ जनाको घटनास्थलमै मृत्यु भएको हो भने दुई जनालाई अस्पताल लैजाँदै गर्दा बाटोमै मृत्यु भएको हो ।ज्यान गुमाउनेमध्ये अहिलेसम्म नौ जनाको मात्रै परिचय खुलेको छ । सुनापति गाउँपालिका ५ रामेछापका ठूलो तामाङ, सन्जु आलेमगर, विपना तामाङ र खटबहादुर तामाङ, सुनापति गाउँपालिका ४ की समिता तामाङ, रोशी गाउँपालिका ४ काभ्रेका कमल तामाङ, पाँचखाल नगरपालिका ८ काभ्रेका सुदीप बस्नेत, मन्डनदेउपुर ९ काभ्रेका शुभलक्ष्मी मानन्धर र पाँचखाल नगरपालिका ५ काभ्रेका कुलबहादुर विकको दुर्घटनामा ज्यान गएको हो । 
दुर्घटनामा घाइते भएका २० जनाको धुलिखेल अस्पतालमा उपचार भइरहेको  प्रहरीले जनाएको छ ।