चरिकोट–  दोलखाको भिमेश्वर नगरपालिका का वडा नम्बर ८ बोचमा आज यात्रुवाहक बस एकआपसमा ठोक्किदा दुर्घटना भएको छ । काठमाण्डौँबाट चरिकोट तर्फ आउदै गरेको प्रदेश ३ – ०१– ००५ ख ९६९७ नम्बरको बस र चरिकोटबाट काठमाण्डौँ जादै गरेको बा ३ ख ७४६३ नम्बरको यात्रुबाहक बस एकआपसमा ठोक्किदा दुर्घटना भएको जिल्ला प्रहरी कार्यायल दोलखाका प्रहरी निरिक्षक राजेश सिक्देलले जानकारी दिनुभयो ।

उहाँका अनुसार दुर्घटनामा परी २२ जना घाइते भएका छन । घाइते हुनेहरुमा बैतेश्वर गाउँपालिकाबाट ११ जना,शैलुङ गाउँपालिकाबाट २ जना,भिमेश्वर नगरापलिकाबाट ३ जना, गौरीशंकर गाउँपालिकाबाट २ जना,मेलुङ गाउँपालिकाबाट १ जना,विगु गाउँपालिकाबाट १ जना,कालिन्चोक गाउँपालिकाबाट १ जना र रामेछाप बाट एक जना घाइते भएका छन । घाइतेहरुको निधार हात,खुटटा,कान, घाटि,गाला लगाएतका भागहरुमा चोटपटक लागेको छ । घाइतेहरुको सामुदायिक अस्पताल र पशुपति चौलागाई स्मृति अस्पतालमा उपचार भइरहेको प्रहरीले जनाएको छ ।