चरिकोट - दोलखामा भारतीय जीपले मोटरसाईकललाई ठक्कर दिँदा दुई जना घाईते भएका छनु । घाईते हुनेमा भीमेशवर नगरपालिका वडा नम्बर २ का १६ वर्षिय शिसिर श्रेष्ठ र १६ वर्षिय करण श्रेष्ठ रहेका छन् । प्रहरीका अनुसार घाईते दुबै जनाको सदरमुकाम चरिकोट स्थित पशुपति चौंलागाई स्मृति अस्पतालमा उपचार भैरहेको छ ।

घाईतेहरुको अवस्था खतरामुक्त रहेको जनाईएको  छ । भीमेश्वर मन्दिर दर्शनका लागि दर्शनार्थी बोकेर आएको युपी ६२ ए जेट ००२ नम्बरको जीपले बागमती प्रदेश ०३–०२–००७ प ७३१६ नम्बरको मोटरसाइकललाई दोलखा बजार नजिकै ठक्कर दिएको दोलखाका प्रहरी निरीक्षक राजेश सिग्देलले जानकारी दिए । सिग्देलले घटनापछि  प्रहरीले जिप चालकलाई नियन्त्रणमा लिएर अनुसन्धान गरिरहेको बताए ।