दोलखाको पवटीमा साँघुरो सडकमा बस र ट्रक ठोक्कियो, एक जना घाईते
चरिकोट – दोलखाको मेलुङ गाउँपालिका वडा नम्बर १ मा वस र ट्रक आपसमा ठोक्किँदा एक जना घाईते भएका छन् । रोल्वालिङ यातायातको बा ४ ख ४४३५ नम्वरको बस र वा ४ ख ९९२१ नम्बरको ट्रक विहान ८ बजेको समयमा आपसमा ठोक्किँदा वसका सवार भीनपा ५ किरातीछापका कविराज कार्की सामान्य घाईते भएका छन् । उनको खुट्टामा चोट लागेको र स्थानीय स्वास्थ्य संस्थामा उपचार भैरहेको छ ।
ठक्करबाट बसको पछाडीपट्टीको भागमा क्षति पुगेको छ । बसमा सवार अन्य यात्रु भने सकुसल छन् । साँघुरो सडकका कारण बस र ट्रक आपसमा ठोक्किन पुगेको स्थानीयले बताएका छन् ।
प्रकाशित मिति: मंगलबार, असार ७, २०७९ ०९:०५
प्रतिक्रिया दिनुहोस्
साताको लोकप्रीय
