चरिकोट – दोलखाको तामाकोशी गाउँपालिकामा एक महिलाको शव फेला परेको छ ।  तामाकोशी गाउँपालिका वडा नम्बर ७ हाँवाकी ५१ वर्षिया मानकुमारी सुनुवार आज मृत फेला पारेका हुन । हिजोदेखि वेपत्ता रहेकी सुनुवारको आज भीरबाट लडेर मृत्यु भएको अवस्थामा शव फेला पारेको जिल्ला प्रहरी कार्यालय दोलखाका प्रहरी निरिक्षक राजेश सिग्देलले जानकारी दिनुभयो । 
हिजो साँझ घरबाट निस्किएकी उनी अवेरसम्म पनि घर नफर्किएपछि स्थानीयले खोजीकार्य सुरु गरेका थिए । खोजी गर्नेक्रममा आज उनको शव भीरबाट लडेर मृत्यु भएको अवस्थामा फेला परेको हो । प्रहरीका अनुसार घटनास्थलमा प्रहरी टोली खटिएको र अनुसन्धान भइरहेको जनाएको छ l