चरिकोट – नेकपा माओवादी केन्द्रका युवा नेता विष्णु पाख्रिनको नेतृत्वमा दर्जनौँ युवाहरु एमाले प्रवेश गरेका छन् । माओवादी केन्द्र र उसको भातृ संस्थाको माथिल्लो जिम्मेवारी समेत सम्हालिसकेका पाख्रिन आफ्नो समुह सहित शनिवार एमाले प्रवेश गरेका हुन् ।

काठमाण्डौंमा शनिवार विहान आयोजित एक कार्यक्रमबीच उनीहरुलाई पुर्वमन्त्री एवं एमाले पोलिट व्युरो सदस्य पार्वत गुरुङले एमालेमा स्वागत गरे । कार्यक्रममा बोल्दै युवा नेता पाख्रिनले माओवादी जिल्ला र केन्द्रका नेतृत्वमा ठुलो विचलन आएकाले उक्त पार्टीमा बस्नुको औचित्य समाप्त भएको निकर्षसहित एमाले प्रवेश गरेको बताए । 

गौरीशंकर गाउँपालिका घर भएका पाख्रिन वाग्मती प्रदेश कमिटीका सदस्यको जिम्मेवारीमा थिए । उनी जनयुद्धकालमा जनमुक्ति सेना हुँदै माओवादीको बिभिन्न जिम्मेवारी निर्बाह गरेका थिए । मेलुङ र गौरीशंकर गाउँपालिकाका ३ दर्जन युवाहरुलाई पुर्वमन्त्री गुरुङले एमालेमा स्वागत गरेका हुन् ।