चरिकोट – नेकपा एमालेका नेता एवं जिल्ला समन्वय समिति दोलखाका प्रमुख डबल पाण्डेले यो स्थानीय तहको निर्वाचनमा कतै उम्मेदवारी नदिने बताएका छन् । यो निर्वाचनमा कुनै पदमा उम्मेदवारी नदिई पार्टी र पार्टीका उम्मेदवार जिताउन समर्पित भएर लाग्ने उनले बताए ।
रेडियो हिमालीको साझा प्रश्नमा कुराकानी गर्दै एमाले दोलखाका सह–ईन्चार्ज समेत रहेका पाण्डेले पार्टीका अन्य व्यक्तिहरुलाई अबसर प्रदान गर्नुपर्ने भएकाले जिल्ला समन्वय समितिमा पनि दोहोरिने चाहना नभएको धारणा राखे ।निर्वाचनमा उम्मेदवारी नदिएपनि पार्टी राजनीतिमा पूर्ण रुपमा क्रियाशिल रहने उनको भनाई छ ।
पार्टीले सक्रियता र योगदानको मुल्यांकन गर्दै आगामी संसदिय निर्वाचनमा जिम्मेवारी दिए त्यो जिम्मेवारी वहन गर्न भने तयार रहेको संकेत पनि उनले गरे । अर्को प्रसंगमा जिसस प्रमुख पाण्डेले अघिल्लो निर्वाचनमा पनि एमालेले गठबन्धनको सामना गरेको भन्दै उनले यो निर्वाचनमा एमाले थप सुदृढ भएर गठबन्धनको सामना गर्ने र दोलखाको सबै स्थानीय तहमा जित हाँसिल गर्ने दाबी गरे ।
