कांग्रेसका कोही तालमेलको पक्षमा छैन, एक्लै चुनाव लड्नुपर्छ : गगन थापा
काठमाडौं - नेपाली कांग्रेसका महामन्त्री गगन थापाले निर्वाचनमा तालमेलको कुराले परिणाम राम्रो नआउने बताएका छन् । कांग्रेसका कोही नेता तालमेलको पक्षमा नरहेको भन्दै उनले हारेपनि पार्टी एक्लै चुनावमा जानुपर्नेमा जोड दिए ।
सांसदसमेत रहेका महामन्त्री थापाले पार्टीको काठमाडौं क्षेत्र नम्बर ४ को प्रशिक्षण कार्यक्रमलाई सम्बोधन गर्दै यस्तो बताएका हुन् । ‘कांग्रेस पार्टीको कोही पनि तालमेलको पक्षमा हुनुन्न । बरु निर्वाचनमा हारे हारौंला हारजित हुन्छ तपाईंहरू त्यहीअनुसार अघि बढ्नुस्’, थापाले कार्यकर्तालाई आग्रह गरे ।
उम्मेदवार र चुनावी अभियानका लागि कार्ययोजनासहित अघि बढ्न पनि उनले आग्रह गरे । महामन्त्री थापाले आफ्नो क्षेत्रमा थपिएका नयाँ मतदाता पहिचान गरेर उनीहरू केन्द्रित अभियान थाल्न पनि निर्देशन दिएका छन् ।
प्रकाशित मिति: सोमबार, वैशाख ५, २०७९ १०:०७
प्रतिक्रिया दिनुहोस्
थप राजनीति
साताको लोकप्रीय
