चरिकोट - दोलखाको कालिञ्चोक गाउँपालिका ५ र ६  नम्बर वडाका युवाहरु सामाजिक कार्यमा सक्रिय भएका छन् । विकास निर्माणदेखि सामाजिक कार्यमा सहयोग पुर्याउने उदेश्यले युवाहरुको समुह सक्रिय भएको हो । कालिञ्चोक युवा मञ्च नामक प्लाटफर्ममार्फत उनीहरुले सामाजिक गतिविधिहरु संचालन गरिरहेका छन् ।

पहिलो चरणमा उनीहरुले कालिञ्चोक गाउँपालिका वडा नं  पोखरेका अग्निपिडितहरुलाई राहात जुटाएर हस्तान्तरण गरेका छन् । मञ्चमा आबद्ध युवा र अन्य व्यक्तिहरुबाट ५२ हजार रुपैंयाँ आर्थिक सहयोग जुटाएर उनीहरु अग्निपिडित कृष्ण बहादुर थापा र अर्जुन थापाको परिवारलाई हस्तान्तरण गरेका हुन् । उनीहरु आगलागी पीडितको सहयोगका लागि सामाजिक संजालमा प्याम्पियन चलाएका थिए ।

आगामी दिनमा मञ्चलाई थप व्यवस्थित गरेर सामाजिक कार्य अघि बढाउने तयारी भैरहेको युवा समुहका अगुवा सुशान्त ढुंगाना केसीले बताए । उर्जाशिल युवाहरुलाई संगठित गर्दै समाजिक कार्यमा परिचालन गर्न मञ्चको परिकल्पना गरिएको अर्का युवा अगुवा प्रकाश थामीले बताए ।

मञ्चमा हाल लापिलाङ, थाङबारु लगायतका क्षेत्रका सुशान्त ढुंगाना केसी, रेशमराज खड्का, निश्चलकृष्ण श्रेष्ठ, प्रकाश थामी, रमेश खत्री, जसुजल खत्री लगायतका युवाहरु आबद्ध छन् ।