सिन्धुपाल्चोक - सिन्धुपाल्चोकमा आगलागीमा परी तीन बालकको मृत्यु भएको छ । हेलम्बु गाउँपालिका ७ सुर्सिङ गाउँको झाक्रिटोल स्थित सञ्च तामाङको गोठमा आगलागी हुँदा उनीहरुको मृत्यु भएको हो । 

मृत्यु हुनेमा सञ्च तामाङका छोरा ६ वर्षीय मनोज तामाङ, सोही गाउँका सुकमान तामाङका छोरा पाँच वर्षीय मनिष तामाङ र सोही गाउँका साइला तामाङका छोरा पाँच वर्षीय दिलबहादुर तामाङ रहेका छन् ।

प्रहरी नायब उपरीक्षक दक्षकुमार बस्नेतका अनुसार ढुङ्गा, माटो र टिनले छाएको एकतले गोठमा सोमबार साँझ मकैको ढोड र सुकेको नलमा आगो सल्किँदा आगलागी भएको हो ।