चरिकोट - दोलखा गौरीशंकर गाउँपालिकामा विरामी लिएर फर्किएको बोलेरो दुर्घट्ना हुँदा ५ जना घाईते भएका छन् । बिरामी लिएर फर्किदै गरेको बा १८ च ५१४८ नम्बरको बोलेरो गौरीशंकर गाउँपालिकाको ईविथानमा दुर्घट्ना भएको हो ।

घाईते हुनेमा डल्ले भनिने ५५ वर्षिय रमेश गुरुङ, ४० वर्षिय गोविन्द गरुङ, २५ वर्षिय पवन गुरुङ, ३५ वर्षिय प्रेम बहादुर गुरुङ (चालक) र ४० बर्षकी दाङिमा शेर्पा रहेका छन् । घाईते मध्ये चालक प्रेम बहादुर गुरुङको अवस्था गम्भिर रहेको छ । उनीहरुको प्राथमिक स्वास्थ्य केन्द्र सुरीमा उपचार भैरहेको छ ।

घाईतेमध्ये ४ जनालाई थप उपचारका लागि हेलिकोप्टर मार्फत काठमाण्डौ रिफर गरिएको ईलाका प्रहरी कार्यालय सिंगटीको प्रहरी निरीक्षक सुनजित तामाङले जानकारी दिए । उनका अनुसार बोलेरोमा रहेका विरामी रमेश र गोविन्द थप घाईते भएका छन् ।