काठमाण्डौं - सामाजिक संजालमा अश्लिल फोटा तथा भिडियोहरु पोष्ट गर्ने दोलखा बैतेश्वर गाउँपालिकाका एक युवक पक्राउ परेका छन् । पक्राउ पर्नेमा बैतेश्वर गाँउपालिका वडा नम्बर ८ घर भई हाल जिल्ला काठमाण्डौं टोखा, धनेश्वर बस्ने २३ वर्षिय सुजन जिरेल रहेका छन् ।
उनलाई काभ्रे जिल्ला पाँचखालमा लुकिछिपी बसेको भन्ने सूचनाको आधारमा जिल्ला प्रहरी कार्यालयसँगको समन्वयमा पक्राउ गरिएको प्रहरीको महानगरिय अपराध महाशाखाले जनाएको छ । उनले सामाजिक संजाल फेसबुक, ईन्स्टाग्राममा आफ्नो प्रेमिका संग प्रेम सम्बन्धमा रहेको समयमा खिचिएका अश्लिल फोटो, भिडियोहरु पोष्ट गरेका थिए ।
प्रहरीका अनुसार प्रेमिकासंग विवाद गरे पश्चात मोबाईल समेत खोसी लिई फेसबुक, ईस्ट्राग्राममा अश्लिल फोटो, भिडियो पोष्ट गरी चरित्र हत्या गरेको अभियोगमा पक्राउ गरिएको हो । जिरेललाई बिद्युतिय कारोवार ऐन कसूरमा आवश्यक कारवाही सुरु गरिएको प्रहरीले जनाएको छ ।
