काठमाण्डौैं  - समाजसेवी, महिला उद्यमी एवं गायीका सकुना श्रेष्ठ मलेकुले आफ्नो पहिलो प्रस्तुतीको रुपमा तीज गित “माईतीको आँगनमा” सार्वजानिक भएको छ । कोभिड १९ को संक्रमणको जोखिमलाई मध्येनजर गर्दै आईतवार भच्र्युअल माध्यमबाट उक्त तीज गीत सार्वजानिक गरिएको हो ।

एच.बि.सुनार शब्द/संगीत रहेको गीतमा सकुना श्रेष्ठ मलेकु र मञ्जु उपासनाले स्वर दिएका छन् । उक्त गीतको ऐरेन्ज साहस शाक्यले गरेका छन् भने नायिका शिल्पा पोख्रेल र अञ्जु सुनारको मुख्य अभिनय रहेको छ । यस्तै रमा थपलिया र देशभक्त खनाल अतिथि कलाकारको भुमिकामा छन् ।

उत्तम “शिशिर” को निर्देशन, सुबोल थापा कोरियोग्राफी र मेकपमा सपना लम्सालको छ । बजार व्यवस्थापन संयोजनको जिम्मा बाँपीझ्याला मिडियो प्रा.लि. र अन्य व्यवस्थापन गायिका सकुना श्रेष्ठ आफै अध्यक्ष रहेको संस्था समकालिन एकता समाज नेपाल दोलखा काठमाण्डौं गर्नेछन् ।

महिला दिदीबहीनी तथा आम नेपाली नागरिकहरुको जिवन्त क्रियाकलाप र सामाजिक कथालाई गीतले समेट्न खोजेको छ । सम्पूर्ण नारी जातीहरुलाई शुभ सन्देश र माईती घरको सम्झनालाई उजागार गर्नुका साथै एकल महिला दिदिबहीनीहरुलाई अविचलित रुपमा अघि बढ्न प्रेरणा र मनोरञ्जनका लागि यो गीत ल्याईएको गायिका श्रेष्ठको भनाई छ ।