चरिकोट – दोलखा भीमेश्वर नगरपालिकामा एक पुरुषको हत्या भएको छ । भीमेश्वर नगरपालिका वडा नम्बर ९ लाकुरीडाँडाको सुर्केका ६८ वर्षिय पदम बहादुर तामाङको कर्तव्य गरी हत्या गरिएको प्रहरीले जनाएको छ ।

तामाङ आफ्नै घरमा मृत अवस्थामा फेला परेपछि प्रहरीले गरेको प्रारम्भिक अनुसन्धानबाट कुटपिट गरी हत्या गरिएको खुलेको हो । घट्नापछि आवश्यक अनुसन्धानका लागि उनकी कान्छि श्रीमती ३८ वर्षिया जाङ्मु तामाङ र अर्की एक जनालाई प्रहरीले पक्राउ गरेको थियो ।

दोलखाका प्रहरी निरीक्षक अञ्जन कोईरालाले घट्नामा दुई जनाको संलग्नता देखिएको हुँदा उनीहरुमाथि थप अनुसन्धान भैरहेको जानकारी दिए । प्रहरीका अनुसार दोलखा जिल्ला अदालतबाट ५ दिन म्याद थप गरी अनुसन्धान अघि बढाईएको छ ।